بحـث

المواضيع الأخيرة

» ممكن ترحيب جامد
قصيدة الفقير في عمه المليونير*****!! Empty

الأربعاء سبتمبر 15, 2010 12:29 pm من طرف بنوته كيوت

» فوائد تمارين الإحماء والتسخين
قصيدة الفقير في عمه المليونير*****!! Empty

الأحد أغسطس 22, 2010 10:40 pm من طرف حلو ياحالي

» رجل الدين السيحي يعارضون ترحيل الغجر
قصيدة الفقير في عمه المليونير*****!! Empty

الأحد أغسطس 22, 2010 10:22 pm من طرف حلو ياحالي

» الصحافة
قصيدة الفقير في عمه المليونير*****!! Empty

الأحد أغسطس 22, 2010 10:15 pm من طرف حلو ياحالي

» ديوان الشاعر مصلح ابن عياد الشلوي
قصيدة الفقير في عمه المليونير*****!! Empty

الخميس أغسطس 05, 2010 9:34 am من طرف المدير العام

» لعبة فيفا 2002 بشكلها الجميييييييييييييييل
قصيدة الفقير في عمه المليونير*****!! Empty

الثلاثاء يوليو 27, 2010 5:35 pm من طرف مصطفى

» الأن تم فتح موضوع لطلب اى اوجة او شعر للعبة pro evolation scoore 2006
قصيدة الفقير في عمه المليونير*****!! Empty

السبت يوليو 24, 2010 12:33 am من طرف مصطفى

» كاس العالم
قصيدة الفقير في عمه المليونير*****!! Empty

الخميس يوليو 15, 2010 6:13 pm من طرف المدير العام

» والأن لعبة البرو 2007 فقط على منتدى صدى الخياله بحجم 360 ميجا
قصيدة الفقير في عمه المليونير*****!! Empty

الأحد يوليو 11, 2010 8:51 pm من طرف بنوته كيوت

منتدى

التبادل الاعلاني

اشكر كل عضو مشارك في صدى الخياله

عدادات الزوار

Hit Counter

Error Codes

الصحيفه اليوميه

height="31">

2 مشترك

قصيدة الفقير في عمه المليونير*****!!

تغلالي ياغالي*

تغلالي ياغالي*: عدد المساهمات : 13
السٌّمعَة : 0
تاريخ التسجيل : 10/04/2010

مساهمة رقم 1

قصيدة الفقير في عمه المليونير*****!!

من طرف تغلالي ياغالي* السبت أبريل 10, 2010 9:09 am

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه